НҰР -СҰЛТАН, 27 тамыз – Sputnik. Жамбыл облысындағы жарылыстан қаза тапқандар саны он екі адамға жетті, деп хабарлады төтенше жағдайлар министрлігінің баспасөз қызметі.
"Нақтыланған мәліметтер бойынша Жамбыл облысындағы жарылыс салдарын жою кезінде қаза тапқан тағы үш адамның денесі табылды. Қызметкерлердің жеке басы анықталып жатыр", - делінген хабарламада.
Төтенше жағдайлар министрлігінің 50-ге жуық қызметкері түрлі дәрежеде дене жарақат алған.
Естеріңізге сала кетейік, 26 тамыз күні кешкі уақытта Жамбыл облысының әскери бөліміндегі қоймалардың бірінде бірнеше жарылыс болды. Салдарынан жалпы саны 12 адам қаза тауып, 98 адам жарақат алды. Жоғалғандарды іздестіру жұмыстары жалғасып жатыр.
