НҰР -СҰЛТАН, 26 тамыз – Sputnik. Қорғаныс, төтенше жағдайлар министрлері, ішкі істер министрінің орынбасары Жамбыл облысына ұшып кетті. Бұл туралы Қазақстан президенті Қасым-Жомарт Тоқаев Twitter-дегі парақшасында жазды.
"Жарылысқа жақын маңдағы ауылдардың тұрғындарын көшіру туралы шешім қабылданды. Облыстық ТЖ департаменті мен әскерилерден 30 шақты қызметкер жарақат алған", - деп хабарлады мемлекет басшысы.
Өрт салдарын жою бойынша жедел штаб жұмыс істеп жатыр. Қылмыстық іс қозғалды. ТЖМ, ІІМ бөлімшелері жұмылдырылды. Теміржол қатынасы уақытша тоқтатылды.
Оқи отырыңыз: Жамбыл облысында әскери бөлімде жарылыс болды
Еске сала кетейік, Жамбыл облысы Байзақ ауданындағы әскери бөлімде сағат 19:00 шамасында қоймалардың бірінде өрт шығып, 6 жарылыс болды. Аталмыш бөлім Тараз қаласынан шамамен 18 шақырым қашықтықта орналасқан.
