Қоғам

Байланыс операторлары роуминг пен тарифтің ауысқаны туралы ескертетін болады

© Photo : СС0 / Ramon López CalvoҚолдағы телефон, архив фото
Қолдағы телефон, архив фото - Sputnik Қазақстан, 1920, 25.08.2021
Жазылу
Байланыс операторларына қойылатын талаптар қазақстандықтардан түскен шағымдар негізінде қарастырылды

НҰР-СҰЛТАН, 25 тамыз – Sputnik.  Ашық НҚА  порталында байланыс қызметінің ережелеріне енгізілген өзгерістің бұйырық жобасы жарияланды.

Құжат интернет-провайдерлер мен байланыс операторларының қызмет көрсету сапасын жақсарту мақсатында жасалды.

Шекара маңында тұратын қазақстандықтар тарапынан шағымдардың жиі түсуіне байланысты роумингке автоматты түрде қосылу тәртібін алып тастау қарастырылған. Мұндай қызмет қажет болған жағдайда абонентке қысқа мәтіндік хабарлама жіберу немесе USSD-сұраным жолдау мүмкіндігі беріледі.

Оқи отырыңыз: 1414 нөмірінен келген SMS-ті оқыған Шымкент тұрғыны есеңгіреп қалды

Сонымен қатар құжатта тарифтік жоспарға өзгеріс енгізілген жағдайда абонентті ескерту және оның келісімін алу нормасы қарастырылған.

Сондай-ақ желідегі апат кезінде операторлардың тарифті қайта есептеуі, абонентке тарифтік жоспарды өзі құрауға мүмкіндік беру талаптары енгізілді. Операторлардың интернетке қолжетімділікті қамтамасыз етуі барысында өзге қызметтерді тықпаламауы (кабельдік телевидение қызметі, телефон байланысы және т.б) да ескерілген.

Оқи отырыңыз: Депутат Шарындағы трагедия туралы: цифрландыру бар, ұялы байланыс жоқ

Бұйрық жобасына сәйкес, абоненттің интеллектуалдық қызметтер (лоторея, дауыс беру, телевикторина, анықтама қызметі) үшін  қысқа мәтіндік немесе мультимедиалық хабарламалар жолдауы кезінде оператор оның ақысы туралы хабарлауға тиіс.

 

Жаңалықтар
0