Қоғам

Қазақ-қырғыз шекарасында 16 млн теңгенің күмісін жасырған ер адам ұсталды

© Sputnik / Табылды Кадырбеков / Медиабанкке өтуҚазақ-қырғыз шекарасы, архивтегі сурет
Қазақ-қырғыз шекарасы, архивтегі сурет - Sputnik Қазақстан, 1920, 23.08.2021
Жазылу
Ер адам күміс бұйымдарды орындық астына жасырған, брикеттердің жалпы салмағы елу келіден асады

НҰР-СҰЛТАН, 23 тамыз – Sputnik. Жамбыл облысында шекарашылар контрабандалық жүкті шекарадан өткізбек болған ер адамды ұстады.

Оқиға 21 тамыз "Қарасу" автомобиль өткізу пунктінде болды, деп хабарлайды Ұлттық қауіпсіздік комитетінің баспасөз қызметі.

Шекарашылар "Mercedes-Benz" көлігінің салонын тексеру барысында орындық астынан полиэтилен пакеттерге оралған күміс бұйымдарды тапты.

Брикеттердің жалпы салмағы – 50 келі 516 грамм. Алдын ала бағалау бойынша бұйымдардың құны 16 миллион теңгені құрайды.

Посмотреть эту публикацию в Instagram

Публикация от ҚР ҰҚК Шекара қызметі (@shekaraknbkz)

Бұл факті сотқа дейінгі тергеулердің бірыңғай реестріне тіркелді. Ұсталған азамат пен контрабандалық жүк Жамбыл облысының экономикалық тергеу департаментіне тапсырылды.

Жаңалықтар
0