НҰР-СҰЛТАН, 23 тамыз – Sputnik. Мемлекет басшысы Қасым-Жомарт Тоқаев Қазақстанның Бас консулдығын ашу туралы жарлыққа қол қойды, деп хабарлайды Ақорда.
"Пусан қаласында (Корея Республикасы) Қазақстан Республикасының Бас консулдығы ашылсын", - делінген жарлықта.
Президент үкіметке қажетті шараларды қабылдауды тапсырды.
Жарлық қол қойылған күнінен бастап қолданысқа енгізіледі.
Пусан – аумағы жағынан Оңтүстік Кореяның Сеулден кейінгі екінші қаласы. Қала жағажайларымен, тауларымен және храмдарымен танымал. Сондай-ақ ол елдің ірі порты.
Тағы оқыңыз: Тоқаев Сеулде Абай мүсінінің ашылуына қатысты – фото
Еске салсақ, жуырда мемлекет басшысы Қасым-Жомарт Тоқаев президент Мун Чжэ Иннің шақыруымен Корея астанасы Сеул қаласына мемлекеттік сапармен барды. Сапар барысында Тоқаев Сеулде Абай Құнанбайұлына қойылған бюсттің ашылу рәсіміне қатысты.
