Сан-Паулу қаласында 170 метр биікте "қалықтап" тұрған шыны бокс пайда болды.
Барлық қабырғасы шыныдан тұратын Sampa Sky шолу алаңы "Миранти-ду-Вали" ғимаратының 42-ші қабатында орналасқан.
Бұл биіктіктен қорықпайтын қала тұрғындары мен қонақтары жиі келетін орынға айналды.
Шолу алаңынан қаланың көрікті келбетін тамашалауға болады.
Sampa Sky аттракционын "бойыңда қан жүгіртетін орын" деп атайды.
Sampa Sky Сан-Паулу орталығын 170 метр биіктіктен тамашалауға мүмкіндік береді.
Шыны балконды құрастырушыларға Чикагодағы Уиллис-тауэрде орналасқан "Аспан палубасы" шабыт берген көрінеді.
Шолу алаңы "Миранти-ду-Вали" биік ғимаратының 42-ші қабатында орналасқан.
"Миранти-ду-Вали" ғимараты 1960 жылы салынған.
Бұл ғимарат 2014 жылы Millennium Palace мұнарасының құрылысы аяқталғанға дейін Бразилиядағы ең биік нысан болып келді.
Қабырғалары әйнектен тұратын Sampa Sky шыны боксы ауада қалықтап тұрғандай әсер қалдырады.
Бұл биіктіктен қорықпайтын, жүрегінің түгі бар адамдарға арналған аттракцион.
