Қазақстанның қорғаныс министрлігі әлеуметтік желідегі парақшасында Мәскеу түбіндегі "Патриот" паркінде өткен жеребе тастау рәсімінен видео үзінді жариялады.
Команда өкілдері барабанды кезекпен айналдыра отырып, қай айналымда өнер көрсететінін таңдады.
Қазақстандық команда жеке жарыста жасыл түсті танкілермен үшінші айналымда бақ сынайды. Бұл кезеңде Әзербайжан, Беларусь және Сербия танкистері қарсылас болады. Қазақстанның алғашқы экипажы 24 тамызда жарысқа кіріседі.
