Қазақстанның тұңғыш президенті 1992 жылдың 18 тамызында Шекара әскерін құру туралы жарлыққа қол қойды. Сондықтан араға 20 жыл салып ресми мереке белгіленді деуге болады.
Қазақстан Республикасы Ұлттық қауіпсіздік комитетінің Шекара қызметі – елдің мемлекеттік шекарасын күзетуге арналған арнайы қызмет. 1991 жылы тәуелсіздік алғаннан кейін Қазақстан алдында жас мемлекеттің аймақтық бүтіндігі мен егемендігін қорғау және қамтамасыз ету бойынша мәселе туындады.
Жаңа бөлімше Кеңес Одағы кезінде ең қуатты саналған Алматы штабы мен Шығыс Қызыл Ту ордені шекара округінің негізінде құрылды. Әйтсе де республикадағы әскер нөлден қалыптасты деуге негіз бар. Тәуелсіздіктің алғашқы жылдарында офицерлік құрам 100 процентке жаңартылды.
Оқи отырыңыз: Кәрім Мәсімов қазақстандық шекарашыларды құттықтады
Мұның барлығы мемлекеттік шекара статусы мен ұзындығы ай сайын өзгеріп отырған уақытта болып жатты. Кеңес Одағы кезінде ұзындығы 1,7 мың километр болатын Қытаймен арадағы шекара ғана күзетілді.
Қазір Қазақстанның шекара қызметі бес елмен арадағы 15 мың километр мемлекеттік шекараны күзетіп, шөл мен құрлықта ғана емес, Каспий теңізінің акваториясы мен әуеде де күзетте тұр.
Шекарашылардың күнделікті қызметін суреттер топтамасынан көріңіз.
