Шолпон Атада жауынгерлік өнердің бес түрінен "Бірлік-2021" атты әлем чемпионаты өтіп жатыр.
Sputnik Қырғызстанның хабарлауынша, чемпионаттың бағдарламасына ММА, джиу-джитсу, самбо, тай боксы және грэпплингтен жекпе-жектер кіреді.
Ыстықкөлге Орталық Азия елдерінен, соның ішінде Қазақстаннан және Ресейден барлығы 500-ден астам спортшы келді.
"Бірлік-2021" чемпионатының мақсаты – мемлекеттер арасындағы достық қарым-қатынасты нығайту және дені сау жастарды тәрбиелеу. Ол 7 тамызға дейін жалғасады.
