НҰР-СҰЛТАН, 5 тамыз – Sputnik. Қазақстандық каратеші Мөлдір Жаңбырбай Токио Олимпиадасындағы жарыс жолын аяқтады, деп хабарлайды Sputnik Қазақстан.
Бірінші жекпе-жекте Жаңбырбай мысырлық Радва Сайедті айқын басымдықпен жеңген. Ал екінші айналымда австриялық Беттина Планке 4:3 есебімен жол беріп қойды. Үшінші жекпе-жекте Жаңбырбай украиналық Анжелика Терлюгамен тең түсті. Бірақ төртінші айналымда жапониялық Михо Мияхарадан 11:2 есебімен ұтылды. Осылайша, каратеші қызымыз жартылай финалға шыға алмады.
Оқи отырыңыз: Қазақ боксшылары алғаш рет Олимпиадада "алтынсыз" қалды
Айта кетері, Токио Олимпиадасына бес қазақстандық каратеші аттанған. Олар: Дархан Асаділов (67 келі), Данияр Юлдашев (+75 келі), Софья Берульцева (+61 келі), Мөлдір Жаңбырбай (55 келіге дейін) және Нұрқанат Әжіқанов (75 келіге дейін). Бүгін Дархан Асаділов жартылай финалға өтті.
