Спорт

Токио Олимпиадасы: Зарина Дияс ойынды жалғастырудан бас тартты

© REUTERS / MIKE SEGARЗарина Дияс
Зарина Дияс - Sputnik Қазақстан, 1920, 24.07.2021
Жазылу
Yandex newsTelegram
Қазақстандық теннисші жарақатына байланысты жарысты жалғастырмайтынын айтып, матчты тоқтатты  

НҰР-СҰЛТАН, 24 шілде – Sputnik. Токио Олимпиадасында теннистен жекелеген бәсекелер өтіп жатыр. Осы уақытқа дейін үш теннисшіміз өнер көрсетті, деп хабарлайды Sputnik Қазақстан тілшісі.

Казахстанский боксер Серик Темиржанов - Sputnik Қазақстан, 1920, 24.07.2021
Спорт
Қазақстандық боксшы Олимпиаданы жеңіспен бастады
Қазақстаннның бірінші ракеткасы Александр Бублик ресейлік Даниил Медведевке қарсы шықты. Бірақ айласын асыра алмады. Бублик екі сетте (4:6, 6:7) ұтылып қалды. Ал Елена Рыбакина өз қарсыласына бірде-бір сет бермеді. Қазақстандық теннисші австралиялық Саманта Стосурды 6:4 және 6:2 есебімен жеңіп кетті.

Одан кейін кортқа Зарина Диас шықты. Оның қарсыласы – әлемнің №11 ракетасы чехиялық Барбора Крейчикова. Ал жерлесіміз WTA рейтингісінде 99-шы орында тұр. Қарсыластың қарқыны қатты болды. Дегенмен Диас жақсы өнер көрсете білді. Бірнеше ұпайға қол жеткізді. Алайда жарты сағаттан кейін жарақатына байланысты ойынды жалғастырудан бас тартты. Ол кезде есеп 2:5 болып тұрған. Осылайша жеңіс Барбораға берілді.

Айта кетейік, қазақстандық теннисшілер 8 бірдей лицензия алды. Қазақстанның атынан 7 спортшы өнер көрсетіп жүр. Олар - Александр Бублик, Елена Рыбакина, Михаил Кукушкин, Юлия Путинцева, Зарина Диас, Андрей Голубев пен Ярослава Шведова.

Жаңалықтар
0