НҰР-СҰЛТАН, 19 шілде — Sputnik. Қазақстан президенті Қасым-Жомарт Тоқаев үкіметке коронавирусқа қарсы қазақстандық QazVac вакцинасын Дүниежүзілік денсаулық сақтау ұйымында тіркеуді жылдамдатуды тапсырды, деп хабарлайды Ақорданың баспасөз қызметі.
Тоқаев: былтыр жазда болған жағдайдың қайталануына жол беруге болмайды
"Отандық QazVac вакцинасы қыркүйекте өнеркәсіптік деңгейде шығарылатынын есепке ала отырып, оны Дүниежүзілік денсаулық сақтау ұйымында тіркеуді жеделдету керек. Бұл – денсаулық сақтау министрлігі мен сыртқы істер министрлігінің жұмысы", - деді Тоқаев.
Президент екіжақты мәмілелер аясында QazVac препаратын басқа мемлекеттердің нарығына жеткізуді қарастыру қажеттігін атап өтті.
"Үкімет осы мәселені ерекше бақылауға алып, бір ай мерзімде оның нәтижесі туралы баяндауға тиіс", - деп түйіндеді ол.
