НҰР-СҰЛТАН, 16 шілде – Sputnik. Денсаулық сақтау министрлігі вакцина салдырғаннан кейін коронавирус жұқтырғандардың статистикасын жариялады, деп хабарлайды Sputnik Қазақстан тілшісі.
"Вакцинадан кейін барлығы 3 165 адам індетке шалдықты. Оның ішінде бірінші компоненттен кейін 1684 науқас, екінші компоненттен кейін 1481 адам вирус жұқтырды", - деді ДСМ санитарлық-эпидемиологиялық бақылау комитетінің төрағасы Айжан Есмағамбетова.
Ол вакциналар бойынша ауырғандар санын нақтылады:
- "Спутник V" – 2791 адам;
- QazVac – 59 адам;
- Hayat-Vax – 293 адам;
- Coronavac – 18 адам.
"Бүгінде елде 4,8 миллионға жуық адам вакцина салдырса, соның тек 0,06 проценті ғана вирус жұқтырып отыр. Яғни вакциадан кейін ауырғандар саны өте төмен, бұл вакцинацияның тиімділігін дәлелдейді", - деді ол.
Оқи отырыңыз: Қазақстанда балаларға вакцина салынуы мүмкін
Осыдан бір апта бұрын денсаулық сақтау министрлігі вакцинадан кейін 2 212 адам COVID-19-ға шалдыққанын хабарлаған еді.
