НҰР-СҰЛТАН, 2 шілде — Sputnik. Қазақстанның бас қаласында белгілі музыкант Батырхан Шүкеновтың құрметіне жаңа мурал салынды. Оның жанында қазақ композиторы әрі музыкант Нұрғиса Тілендиевке арналған тағы бір мурал пайда болды.
Посмотреть эту публикацию в Instagram
Бұл қос кескіндеме енді Тілендиев көшесіндегі тұрғын үй кешенінің сәнін келтіріп тұр. Ғимарат құрылысы әлі жүріп жатыр. Нұр-Сұлтан әкімдігінің сайтындағы ақпаратқа сәйкес, аталған муралдар құрылыс жүргізуші мекеменің бастамасымен салынған.
Оқи отырыңыз: Нұр-Сұлтандағы үйдің қабырғасында Бауыржан Момышұлының суреті пайда болады
Нұрғиса Тілендиев – дарынды дирижер және домбырашы. "Аққу", "Әлқисса", "Махамбет" күйлері мен "Құстар әні", "Куә бол", "Сарыжайлау" сынды танымал әндердің авторы.
Батырхан Шүкеновтың белгілі туындылары ретінде "Отан ана", "Жүрегімде Астана", "Джулия", "Твои шаги" әндерін атауға болады.
