АЛМАТЫ, 14 маусым – Sputnik. Алматыда қызметтік көлікпен әйелді қағып өлтірген полицей кінәсін толық мойындады, деп хабарлайды Sputnik Қазақстан.
Посмотреть эту публикацию в Instagram
"Мен Төлеутай Бақтияр Алматы қаласы Алатау ауданындағы полиция қызметінде жұмыс істеймін. 2021 жылдың 14 маусымы сағат 6:45 шамасында Өтемісұлы көшесімен оңтүстік бағытқа қарай кетіп бара жатқанымда алдымнан автокөлік солға қарай бұрылмақшы болды. Автокөліктен қашып, апатты болдырмау үшін көлік жуу жаққа қарай бұрылып кеттім. Сол кезде байқаусызда алдымда тұрған әйелді қағып кеттім. Кінәмді толық мойындаймын. Марқұмның туыстарына қайғырып көңіл айтамын", - деді полиция қызметкері.
Полиция департаментінің мәліметінше, Бақтияр Төлеутай 1992 жылы туған, ол – Алматы қаласы патрульдік полиция инспекторы.
Айта кетейік, бүгін Алатау ауданында таңғы сағат жеті шамасында жол апаты болып, полицей көлігі әйелді қағып кетті. Әйел апат орнына жедел жәрдем келгенше қайтыс болды.
Алматыда полицей қызметтік көлігімен әйелді қағып кетті
Қылмыстық кодекстің 345-бабы, 3-тармағы (Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы абайсызда адам өліміне әкеп соғуы) бойынша сотқа дейінгі тергеу шаралары басталды.
