НҰР-СҰЛТАН, 4 маусым – Sputnik. Қазақстанның тұңғыш президенті Нұрсұлтан Назарбаев кадрлық ауыс-түйіс жасады, деп хабарлайды Елбасы сайты.
Назарбаевтың шешімімен Әділ Тұрсынов тұңғыш президенттің көмекшісі – Елбасы кеңсесінің ақпараттық-талдамалық қамтамасыз ету бөлімінің меңгерушісі болып тағайындалды.
Бұған дейін ол тұңғыш президент кеңесшісі – Елбасы кеңсесі ақпараттық-талдамалық қамтамасыз ету бөлімінің меңгерушісі болды.
Нұрлан Қаймолдаев Қазақстанның тұңғыш президенті – Елбасы кеңсесі басшысының орынбасары қызметіне тағайындалды. Мұның алдында құжаттамалық, қаржылық және кадрлық қамтамасыз ету бөлімінің меңгерушісі қызметін атқарды.
Айдос Үкібай Елбасының кеңесшісі – баспасөз хатшысы болып тағайындалды. Бұған дейін ол Назарбаевтың баспасөз хатшысы болып қызмет етті.
"Аталған тұлғалар бұрынғы атқарған қызметтерінен босатылды", - делінген хабарламада.
