Өңірлер

"Бүкіл Қазақстан қарсы": маңғыстаулық жүргізушілер тас жолды жауып тастады

© Sputnik / Абзал КалиевАқылы жолдар
Ақылы жолдар - Sputnik Қазақстан, 1920, 03.06.2021
Жазылу
НовостиTelegram
Ақтау маңында жүк көліктері, автоцистерналар, жеңіл көліктер жолды жауып тастады Бұл бір апта ішінде Маңғыстау облысында өткен үшінші наразылық акциясы

НҰР-СҰЛТАН, 3 маусым – Sputnik. Маңғыстаулық жүргізушілер ақылы жолдарға қарсы наразылық акциясына осымен үшінші рет шықты, деп хабарлайды "Ақтау-Лада" басылымы.

Бұл жолы жүк көліктерінің жүргізушілеріне жеңіл автокөліктердің иелері де қосылды. Жүргізушілер Ақтау қаласы маңында тас жолды жауып тастады.

"Ақылы жолдарға бүкіл Қазақстан қарсы. Біз де құптамаймыз, сол себепті өз наразылығымызды білдіруге жиналдық", - деді акция қатысушылары.

2021 жылдың маусымынан жалпы ұзындығы 5,8 мың шақырымдық республикалық маңызы бар 18 жол ақылы болады.

Ақылы жолдарға қарсы митингтер Қазақстанның түрлі өңірінде өтіп жатыр. Бұған дейін наразылыққа Атырау мен Шымкент жүргізушілері шыққан еді. Автокөлік иелері онсызда көлік салығын төлейтінін, ал жол сапасы сын көтермейтінін мәлімдеді. Бұған қоса, жол ақысының көтерілуі басқа тауарлар мен азық-түліктің қымбаттауына әкеп соғады.

Тағы оқыңыз: "Халыққа өздері тиісіп отыр": Қазақстанда жүргізушілер жаппай наразылыққа шығып жатыр

Әзірге тариф сол бұрынғы деңгейде тұр. Көліктің салмағына қарай жеңіл автокөлік иелері үшін – бір теңге, автобустар мен жүк көліктері үшін – 5-тен 25 теңгеге дейін.

Жақында индустрия және инфрақұрылымдық даму министрі Бейбіт Атамқұлов ақылы жолдардың тарифі 2013 жылдан бері қаралмағанын атап өтті. Оның айтуынша, бағаның өсуі жолдардың сапасын жақсы күйде ұстап тұру үшін қажет.

Жаңалықтар
0