Қоғам

Қазақстанның бас санитар дәрігері жаңа қаулыны бекітті

© Sputnik / Владислав ВодневAshyq жүйесі
Ashyq жүйесі - Sputnik Қазақстан, 1920, 03.06.2021
Жазылу
НовостиTelegram
Ashyq жүйесі азаматтарға ПТР сынақтарынсыз көптеген нысандарға кіруге, кәсіпкерлік нысандарға карантиндік режимде жұмыс істеуге мүмкіндік береді

НҰР-СҰЛТАН, 3 маусым – Sputnik. Қазақстанның мемлекеттік бас санитар дәрігері Ерлан Қиясов жаңа қаулы бекітті. Соған сәйкес енді Ashyq жүйесін пайдалану мүмкіндігі еліміздің барлық аймақтарында кеңейтіледі.

Сонымен қатар, жоба аясында қызмет көрсететін бизнес нысандардың да тізімі кеңейтілді. Атап айтқанда:

  • фитнес-клубтар, оның ішінде йога орталықтары;
  • СПА орталықтары;
  • сауна, бассейндер;
  • компьютерлік клубтар, оның ішінде PlayStation клубтары;
  • боулинг клубтары;
  • кинотеатрлар;
  • театрлар мен филармониялар;
  • асхана, көше тағамдары сияқты объектілерді қоспағанда, қоғамдық тамақтандыру орындары, жазғы алаңдар, тамақтану алаңдары, банкет залдары;
  • аймақаралық және қалалық тұрақты емес (туристік) тасымалдау;
  • бильярд клубтары;
  • концерт залдары;
  • ерікті қатысушылар;
  • караоке;
  • көрмелер;
  • океанариум;
  • марафондар;
  • көрермендермен спорттық шаралар;
  • Нұр-Сұлтан, Алматы, Шымкент және Түркістан қаласының әуежайы;
  • Ақтау және Қостанай қаласының әуежайы (2021 жылғы 7 маусымнан бастап);
  • лотерея клубтары және лотереяны сатудың басқа нүктелері;
  • балалар ойын-сауық орталықтары (жабық);
  • цирктер;
  • қонақ үйлер.

Сондай-ақ, аймақ әкімдері мен "Атамекен" ұлттық кәсіпкерлер палатасы тұрғындарға, жеке және заңды тұлғаларға Ashyq мобильді қосымшасын, оның ішінде басқа платформалар арқылы пайдалану қажеттігі туралы ақпараттандыруды қамтамасыз етуі тиіс және қаулының толық мәтінімен мына сілтемеге өту арқылы танысуға болады.

Оқи отырыңыз: Қазақстанда қағаз вакциналау паспорты енгізіледі – санитар дәрігердің қаулысы

Айта кетейік, бұған дейін Ashyq мобильді қосымшасы бизнеске карантин кезеңінде өз қызметін жалғастыруға мүмкіндік беретіні туралы хабарланған. Ал мұндай қосымшаны IT қоғамдастығының өкілдері үкімет ақшасын жұмсамай-ақ жасаған. Жалпы, өткен жылдан бастап Ashyq жүйесі Қазақстанның бірнеше қалаларында пилоттық режимде жұмыс істеуді бастады.

Жаңалықтар
0