НҰР-СҰЛТАН, 20 мамыр — Sputnik. Қазақстандық боксшы Данила Семенов (2-0, 1 КО) Ресейде өткен кәсіпқой бокс кешінде жұдырықтасты, деп хабарлады Sports.kz.
Оның қарсыласы салмағы 146 килограмм тартатын Оңтүстік Африка Республикасының тәжірибелі боксшысы Осборн Мачимана (23-13-2, 17 КО) болды. Бұл супер ауыр салмақтағы жекпе-жек алты раундқа есептелген, бірақ бірінші раундта аяқталды – қазақстандық қарсыласын екі жарым минутта сұлатты. Нокауттың видеосын төменде көруге болады.
Посмотреть эту публикацию в Instagram
Осылайша Данила Семенов кәсіпқой рингтегі үшінші жеңісіне қол жеткізді, оның екеуін нокаутпен ұтып отыр.
Еске сала кетейік, 21 жастағы қазақстандық спортшы кәсіпқой бокстағы алғашқы жекпе-жегін өткен жылдың қазан айында өткізді. Осборн Мачимана карьерасындағы он төртінші жеңілісіне ұшырады.
