НҰР-СҰЛТАН, 12 мамыр — Sputnik. Қазақстанда мемлекеттік кірістер комитетінің төрағасы тағайындалды, деп хабарлайды Sputnik Қазақстан.
"Қаржы министрінің бұйрығымен Әли Сапарғалиұлы Алтынбаев Қазақстан қаржы министрлігі мемлекеттік кірістер комитетінің төрағасы қызметіне тағайындалды", - делінген министрліктің ресми хабарламасында.
Әли Алтынбаев 1979 жылы Алматы облысында дүниеге келген. Қазақ мемлекеттік басқару академиясын, Тұран университетін, РФ президенті жанындағы Ресей халық шаруашылығы және мемлекеттік басқару академиясын тәмамдаған. Бухгалтерлік есеп және аудит, құқықтануды оқыған. Мемлекеттік және муниципалды басқару магистрі дәрежесі бар.
Еңбек жолын 2001 жылы Еңбекшіқазақ ауданы бойынша салық комитетінде салық инспекторының міндетін атқарушы қызметінен бастаған.
2001-2009 жылдары Еңбекшіқазақ ауданы бойынша салық комитетінде түрлі қызметтер атқарған.
2009-2010 жылдары — Алматы облысы бойынша салық департаментінің салық аудиті басқармасы заңды тұлғалар аудиті бөлімінің басшысы.
2010 жылы — Алматы қаласы Түрксіб ауданы бойынша салық басқармасының жеке кәсіпкерлердің ақпаратын қабылдау және өңдеу орталығының бөлім басшысы.
2010-2014 жылдары Алматы қаласы бойынша салық департаментінде түрлі қызметтер атқарды.
2014-2015 жылдары Алматы қаласы бойынша мемлекеттік кірістер департаментінде басшылық қызметтер атқарған.
2015-2017 жылдары — Алматы қаласы Алатау ауданы бойынша мемлекеттік кірістер басқармасының басшысы.
2017-2019 жылдары — Алматы қаласы Наурызбай ауданы бойынша мемлекеттік кірістер басқармасының басшысы.
2019-2020 жылдары — Алматы қаласы бойынша мемлекеттік кірістер департаменті басшысының орынбасары.
2020-2021 жылдары — Қаржы мониторингі комитеті Алматы қаласы бойынша экономикалық тергеу департаментінің басшысы.
2021 жылғы наурыздан бастап қазіргі уақытқа дейін қаржы мониторингі агенттігінің Алматы қаласы бойынша экономикалық тергеу департаментінің басшысы қызметін атқарды.
