НҰР-СҰЛТАН, 12 мамыр – Sputnik. Шығыс Қазақстан облысы Риддер қаласында 31 үйдің күлін көкке ұшырған орман өрті толығымен сөндірілді.
"2021 жылы 12 мамырда сағат 14.30-да Риддер қаласындағы орман өрті 272,4 га алаңда толығымен сөндірілді", - деп мәлімдеді төтенше жағдайлар министрлігінің ресми өкілі Талғат Уәли.
Посмотреть эту публикацию в Instagram
Еске салсақ, 10 мамырда Шығыс Қазақстан облысы Риддер қаласының әкімшілік аумағындағы Лесхоз кентінде өрт шығып, артынша орманға жайылды. Өртті дер кезінде сөндіруге қатты жел кедергі келтірді: екпіні 20 м/с дейін жеткен болатын.
Салдарынан бес көшеде 31 үй, 5 жеңіл автокөлік және жеті учаскеде шаруашылық құрылыстары, сондай-ақ ТҚС үй-жайы өртеніп кетті.
Өртенген үйлерде 72 адам, оның ішінде 11 бала тұрған. Қазір 13 азамат жатақханаға, қалғандары туыстарының үйлеріне орналастырылды.
Өртті сөндіруге 493 жеке құрам, 69 бірлік техника, 2 тікұшақ жұмылдырылды.
