НҰР-СҰЛТАН, 30 сәуір — Sputnik. Израильде өткен діни мереке кезінде адам кептелісі болды. Оқиға орнында 44 қаза тапты, деп хабарлады NEWSru.co.il сайты.
כל עוד הנר דולק
— ינון מגל (@YinonMagal) April 29, 2021
הלב פועם
צילום: רוטרניק pic.twitter.com/Cf82AFmG5Z
Израильде жыл сайын Лаг ба-Омер діни мерекесі аталып өтеді. Оған 100-300 мың адам жиналады. Осы жолы да Мерон тауына мыңдаған адам келді. Халық трибунадан түсіп, тар дәлізбен шығып бара жатқанда сығылысып қалды.
נורא לראות את הצפיפות שהיתה במעבר הצר, ואת הדוחק העצום שהוביל בסוף לאסון הקשה והמחריד. pic.twitter.com/1RE7FggFXt
— ישראל כהן (@Israelcohen911) April 29, 2021
Walla порталының тілшісі Яки Адамкердің айтуынша, трагедия тар дәлізде болған. Оған кіретін жер ашық болыпты. Ал шығаберісін белгісіз себептерге байланысты полиция жауып тастаған.
"Бір уақытта адамдар бірінің үстіне бірі құлай бастады. Содан кептеліс пайда болды. Соның салдарынан жүздеген адам зардап шекті", - деп жазды Адамкер өзінің Twitter парақшасында.
סרטון הזוי, דקות ספורות לפני האסון הקשה נראים האנשים מצטופפים במדרגות ונתקלים במחסום אנושי שעוצר אותם. מה גרם לדוחק להתפרץ בבת אחת ולציבור להימחץ? pic.twitter.com/4VBzW5jfNE
— ישראל כהן (@Israelcohen911) April 29, 2021
Жедел жәрдем қызметінің бас директоры Эли Бин трагедия кезінде кем дегенде 44 адамның қаза болғанын хабарлады. Бұдан бөлек, 150 адам жарақат алды. Олардың ішінде алтауының жағдайы өте ауыр. Зардап шеккендердің ішінде балалар да аз емес.
Түнгі сағат 3-те зардап шеккендерді эвакуациялау шаралары басталды. Сол кезде қайтыс болғандардың мәйіттері шығарылды.
