НҰР-СҰЛТАН, 10 сәуір – Sputnik. Шығыс Қазақстан облысының Риддер қаласында жоғалып кеткен 2 жасар Арсений Киселевті іздеу жұмыстары тоқтатылды, деп хабарлады Altaynews.
Бала жұма күні күндіз әдеттегідей аулада ойнауға шыққан. Полицейлер кішкентай Арсений аға-әпкелерімен, сондай-ақ көрші балалармен бірге ойнап жүргенін, алайда біршама уақыттан кейін кенеттен жоғалып кеткенін анықтады.
"Балықшылар ауы оралып қалған": Атырауда жұмысқа кеткен тұрғынның мәйіті табылды
Өскеменнен іздестіру жұмыстарын жүргізу үшін қосымша полиция департаментінің және төтенше жағдайлар департаментінің қызметкерлері, сондай-ақ кинологтар келді.
"Полиция қызметкерлері бала өзенге құлап кетуі мүмкін деп болжады. Бұған су қоймасының жағасында табылған іздер дәлел болды. Өзен арнасын тінту барысында сол іздерден 1 шақырымдай жерден баланың мәйіті табылды", - деді ШҚО полиция департаментінің бастығы Сағат Мадиев.
