НҰР-СҰЛТАН, 29 наурыз – Sputnik. Атырау облысы жұмыспен қамту және әлеуметтік бағдарламалар басқармасының басшысы Серік Қамидолла қамауға алынды. Бірнеше адам бұған қарсы болып, наразылық акциясына шықты, арасында мүгедек балалардың аналары да бар, деп жазады "Ақ Жайық".
Шенеунік 25 наурызда ұсталды, оған қылмыстық кодекстің бірнеше бабы бойынша айып тағылып отыр - пара алу, пара беру және алаяқтық.
"Пара алды дегенге сенбейміз"
Қамидолланың ұсталуы "күтпеген" қоғамдық резонанс тудырды. Облыстық сот ғимараты маңында Жылыой ауданының бірнеше тұрғыны жиналды.
Олар басқарма жетекшісін тым болмағанда үйқамаққа босатуды талап етті. Өйткені кінәсі әлі дәлелденбеген. Кешке дәл сол адамдар Атырау қаласы полиция басқармасының ғимаратына келді. Қамидолланы үйқамаққа босатады деп күткен. Ақыры солай болды.
Жиналғандар істі болған басшы көптеген адамға көмек көрсеткенін алға тартып отыр.
"Мен Telegram-каналдағы аналар чатының әкімшісімін. Серік Қамидолла пара алды дегенге сенбейміз. Бұл жала жабу деп есептейміз. Өзге шенеуніктер сияқты емес, біздің барлық сауалымызға жауап беретін. Халықтың адамы. Босатуды талап етеміз", - деді Сандуғаш Көкенова.
Қандай дәлел бар
Шенеуніктің әйелі Гаухар Арыстанова президенттен көмек сұрап отыр. Оның айтуынша, жемқорлыққа қарсы күрес қызметінде ешқандай дәлел жоқ, үйден тек бір қорап кәмпит табылған.
