НҰР-СҰЛТАН, 25 наурыз – Sputnik. Алматы облысында полиция қызметкерлері жас жігітті аяусыз соққыға жыққан бұзақыларды іздестіріп жатыр, деп хабарлайды Sputnik Қазақстан.
Әлеуметтік желіде зорлық көрсетушілерден жасырынуға тырысқан жас жігітті екі ер адамның соққыға жыққан видеосы таралды. Қос бұзақы жас жігітті жерге құлатып, тепкінің астына алған. Пост авторы бұл видео Попов көшесіндегі бейнебақылау камерасына түсіп қалғанын айтады.
Посмотреть эту публикацию в Instagram
Ал полициядағылар мұндай факті бойынша ешкім арызданбағанын алға тартты. Ведомство нақтылағандай, жәбірленуші медициналық көмек көрсету үшін тиісті мекемеге жүгінбеген.
Оқи отырыңыз: Министрлік Ресейде қазақстандықтар қатысқан жаппай төбелес туралы ақпарат берді
"Бұл факті ресми түрде тіркелді. Қазір оқиғаға қатысы бар азаматтардың жеке тұлғасын анықтау үшін жедел іздестіру шаралары ұйымдастырылды", – деп хабарлады Алматы облысы полиция департаментінің баспасөз қызметі.
