НҰР-СҰЛТАН, 13 наурыз – Sputnik. Елорданың сол жағалауындағы автотұрақта жеңіл көлік толығымен өртеніп кетті. Оқиға куәгерлері түсірген видео әлеуметтік желілерде тарады.
Посмотреть эту публикацию в Instagram
Өрт сенбі күні, 13 наурызда таңертең болған.
"Өрт сөндіру қызметінің кезекші бөліміне сағат 07.34-те Қонаев көшесі, 14/2 мекенжайындағы тұрақта автокөліктің өртеніп жатқаны туралы қоңырау түсті. Оқиға орнында ВАЗ 2114 автокөлігінің өртенгені анықталды", – делінген төтенше жағдайлар жөніндегі департамент хабарламасында.
Өрт шыққан жерде жанып жатқан көлік иесі болмаған. Ал өрт 12 минут ішінде толық сөндірілді. Қайтыс болғандар мен зардап шеккендер жоқ.
Оқи отырыңыз: Қара түтін қаптады: өрт сөндірушілер Нұр-Сұлтанның сол жағалауына шұғыл жетті – видео
Мамандардың айтуынша, алдын ала болжам бойынша өрт көліктің қозғалтқыш бөлігіндегі электр сымдарының қысқа тұйықталуынан шыққан болуы мүмкін.
