НҰР-СҰЛТАН, 1 наурыз – Sputnik. Алматыда жүк көлігі тегіс жерде пайда болған ауқымды шұңқырға түсіп кетті. Кейбір мәліметтер бойынша, төтенше жағдай Қажымұқан көшесінде болған.
Посмотреть эту публикацию в Instagram
Оқиға орнына Медеу аудандық полиция бөлімінің жедел тергеу тобы аттанды, деп хабарлады Алматы қалалық полиция департаментінің баспасөз қызметі.
"Қазіргі кезде оқиғаның жай-жапсары анықталып жатыр. Содан кейін ғана оған құқықтық баға берілетін болады", – деді полиция өкілдері.
Қалалық денсаулық сақтау басқармасы апат салдарынан оқиға орнына жақын жерде тұрған кәсіпорын қызметкері зардап шеккенін хабарлады.
"Жәбірленушінің "миы шайқалып, кеуде қуысы зақымдану" диагнозымен №4 қалалық клиникалық ауруханаға жеткізілді. Қазіргі кезде оның жағдайы орташа ауыр", – делінген ақпаратта.
Оқи отырыңыз: Алматыда тежегіші істен шыққан жүк көлігі әп-сәтте темір үйіндісіне айналды – фото
Айта кетейік, қалалық төтенше жағдайлар департаментінің қызметкерлері де мән-жайды анықтау үшін оқиға орнына аттанған.
