НҰР-СҰЛТАН, 11 ақпан – Sputnik. Денсаулық сақтау министрлігі өткен тәулікте коронавирус пен COVID-19 белгілері бар пневмониядан қайтыс болғандар статистикасын жариялады.
Бір тәулікте коронавирустан бес науқас, ал пневмониядан төрт пациент көз жұмды. Жалпы пандемия басталғалы COVID-19 инфекциясынан 2 626 адам, ал ковидтік пневмониядан 591 адам қайтыс болды.
Сондай-ақ, өткен тәулікте 1 007 адам вирус жұқтырса, 52 адам пневмонияға шалдықты.
11 ақпандағы мәлімет бойынша, 25 272 қазақстандық коронавирус инфекциясынан (15 660 КВИ+ және 9 612 КВИ-) емделуде, олардың ішінде 5 318 пациент стационарда, 19 954 науқас амбулаториялық деңгейде ем қабылдап жатыр.
КВИ+, КВИ- шалдыққандардың арасында:
- 260 адамның жағдайы ауыр;
- 48 пациенттің жағдайы өте ауыр;
- 46 науқас жасанды тыныс алдырту аппаратына қосылған.
