НҰР-СҰЛТАН, 4 ақпан — Sputnik. Өткен тәулікте Қазақстанда коронавирус пен пневмониядан 13 адам қайтыс болды. Оның ішінде, 11 науқас COVID-19 ауруынан, екі емделуші коронавирус белгілері бар пневмониядан көз жұмды.
Денсаулық сақтау министрлігінің 4 ақпандағы мәліметі бойынша, бүгінгі күні 27 886 адам коронавирусқа қарсы ем алып жатыр. Оның ішінде, 5 799 науқас стационарларда, 22 087 азамат амбулаториялық деңгейде емделуде, деп хабарлады COVID-19 таралуына жол бермеу жөніндегі ведомствоаралық комиссия.
Оқи отырыңыз: Коронавирус инфекциясына қатысты тәуліктік статистика жарияланды
COVID-19 пен пневмония жұқтырғандардың ішінде:
- 259 науқас ауыр жағдайда;
- 57 науқас аса ауыр жағдайда;
- 53 науқас жасанды тыныс алу аппаратына қосылған.
2021 жылдың 3 ақпанында коронавирус белгілері бар пневмония ауруының 82 жағдайы тіркелген. Жалпы 253 адам жазылды.
2020 жылдың 1 тамызынан бастап 48 087 науқас тіркелсе, 573 адам осы инфекциядан көз жұмған, барлығы 36 482 адам сауығып шықты.
