Қоғам

Қазақстандықтар WhatsApp-тың "жаңа" ережелерін таратып жатыр

© Sputnik / Наталья Селиверстова / Медиабанкке өтуWhatsApp мессенджері
WhatsApp мессенджері - Sputnik Қазақстан
Жазылу
НовостиTelegram
Хабарламада WhatsApp пайдаланушыларының жеке мәліметтері мен хаттары үшінші тұлғаларға қолжетімді болатыны айтылған

НҰР-СҰЛТАН, 20 қаңтар – Sputnik. Қазақстандықтар желіде WhatsApp-тың жаңа ережелері туралы жалған ақпарат таратып жатыр, деп хабарлайды StopFake.kz.

Хабарламада "WhatsApp мессенджерінде бүкіл қоңырау жазылатыны және пайдаланушылардың жеке мәліметтері мен хаттары үшінші тұлғаларға қолжетімді болатыны" айтылған.

Алайда мұның фейк екені анықталды.

"Былтыр желтоқсанда WhatsApp деректерді өңдеудегі өзгерістер туралы мәлімдеме жасады. Бірақ онда қолданушылардың жеке ақпаратын үшінші тұлғаларға беру қарастырылмаған", - деп жазады StopFake.kz.

Қолданушылар жаңа ережелерді қабылдауға міндеттелген еді. Әйтпесе, аккаунтты бұғаттап тастауға уәде берді.

Бұған наразы болған адамдар мессенджерді пайдаланудан жаппай бас тартты. Мұндай реакциядан кейін Facebook әкімшілігі жаңашылдықты кейінге қалдырды.

Тағы оқыңыз: Қолданушылар сынынан кейін WhatsApp жаңартуды кейінге қалдырды

WhatsApp блогындағы ақпаратқа сәйкес, бұрын хабарланғандай, 8 ақпанда жаңа ережелермен келіспеген қолданушылардың аккаунты бұғатталмайды.

"Біз WhatsApp-тағы құпиялылық пен қауіпсіз хат алмасу қағидалары туралы қауесеттерді жоққа шығару үшін белсенді жұмыс істейміз. Содан кейін пайдаланушыларымызға біртіндеп 15 мамырға дейін жаңа саясатпен танысуды ұсынамыз", – делінген хабарламада.

Қорыта айтқанда, үшінші тараптардың WhatsApp қолданушыларының жеке хаттарына заңды түрде қол жеткізе алатыны туралы хабарламалар – жалған, деп нақтылады портал.

Жаңалықтар
0