НҰР-СҰЛТАН, 17 қаңтар — Sputnik. Өткен түнде Алматыда автобус жаяу жүргіншіні қағып кетті, деп хабарлайды Sputnik Қазақстан тілшісі.
Жол апаты Потатин көшесіндегі 4-ші қалалық клиникалық аурухана маңында болған. 118-ші автобус солтүстік бағытқа қарай қозғалды. Ал қарама-қарсы жақтан жедел жәрдем көлігі келе жатты. Ол алыстан көруге арналған жарығын қосып қойған. Автобус жүргізушісі жедел жәрдем көлігінен түскен жарық салдарынан жаяу жүргіншіні көре алмай қалды.
Оқиға орнында түсірілген сурет
© Sputnik / Стрингер
1964 жылы туған ер адам өте ауыр жағдайда 4-ші қалалық клиникалық ауруханасына жеткізілді. Ол есін жинамастан қайтыс болды. Туыстарының айтуынша, ер адам зағип болған.
Жол апаты кезінде автобус паркке бара жатты, ішінде жолаушылар болған жоқ.
