Харбиндегі бұл шара әлемдегі ең үлкен фестиваль болып табылады. Өйткені, соңғы үш онжылдықта мұнда бірнеше рет Гиннес рекорды жаңарды. Оның ішінде ең ірі мұз мүсіндері мен басқа да ғажайып дүниелер бар.
Фестиваль ресми түрде 5 қаңтарда ашылып, ақпан айының соңына дейін жалғасады.
Қазірдің өзінде ондаған түрлі-түсті ірі мұз мүсіндер көрермендер назарына ұсынылды. Ал бұл жерге келетіндердің көпшілігі негізінен жергілікті халық пен Қытай азаматтары. Себебі, кей елдердегі эпидемиологиялық жағдай саяхаттауға біршама шектеулер қойып отыр.
Фестивальдің биылғы тақырыбы: "Сиқырлы Харбин, мұзды қар, көз жауын алатын Қытай".
1963 жылдан бері ұйымдастырылып келе жатқан Харбиндегі мұз мерекесі пандемия жағдайында Қытайда өткен жылдың ең ірі шарасы болмақ.
Оқи отырыңыз: Чебурашкадан Нэчжаға дейін: демалыста көретін үздік мультфильмдер жинағы – фото
Сонымен қатар, ұйымдастырушылар келушілер санының шектелуіне байланысты бағдарламаға өзгерістер енгізілуі мүмкін деп ескертеді. Олардың айтуынша, аймақтардағы адамдардың саны нақты жағдайдың қалай өрбитініне байланысты реттеледі.
