НҰР-СҰЛТАН, 4 қаңтар – Sputnik. Люксембургтің Adams Schwertransporte көлік компаниясы ұзындығы 67 метрлік жел турбинасының қалақшасын тасымалдау кезінде түсірілген суретті әлеуметтік желіде жариялады.
LinkedIn парақшасында жарияланған суретте жел электр станциясының қалақшасы тасымалданған сәт көрінеді. Құрылымның ұзындығы 67 метр, салмағы 25 тонна.
Айта кетейік, алып қалақшаның төменгі ұшы 45 градустық қалыпта өздігінен қозғалатын модульді платформаға бекітілген (SPMT).
Сондай-ақ, суретте жүк көлігінің таулы аймақта жүріп бара жатқаны көрінеді.
Luxembourg based P. Adams Schwertransporte, who specialize in the transport of heavy items, has revealed striking photos of how it transported a 67-meter-long blade for a wind turbine [source: https://t.co/II6XuD5ngP] pic.twitter.com/wnMtiIbgz6
— Massimo (@Rainmaker1973) January 1, 2021
Жарияланған сурет астындағы пікірлерде көптеген қолданушылар фотосуреттердің шынайылығына күмән келтірген. Ал компания өкілдері бұл көрініс шынайы екенін жазып, жел турбинасының қалақтарын осылай тасымалдау бірінші рет емес деп атап өткен.
