НҰР-СҰЛТАН, 29 желтоқсан – Sputnik. Нұр-Сұлтандағы Тәуелсіздік даңғылында жолаушылар автобусы жол апатына ұшырады. Алты адам жарақат алды, деп хабарлады елордалық полиция департаментінің баспасөз қызметі.
Посмотреть эту публикацию в Instagram
Құқық қорғау органдарының мәліметінше, Volkswagen Polo көлігін жүргізіп келе жатқан 47 жастағы әйел бір жолдан екінші жолға ауысқан кезде жол қозғалысы қауіпсіз екеніне көз жеткізбеген.
Салдарынан ол жолаушылар автобусымен соқтығысқан, содан кейін автобус көшені жарықтандыру бағанына соғылды.
Автобустың бес жолаушысы мен шетелдік көліктің жүргізушісі ауруханаға жеткізілді. Оларды тексергеннен кейін үйлеріне жіберді. Қазіргі таңда тәртіп сақшылары мән-жайды анықтап жатыр.
Елорда полициясы жүргізушілерден қозғалыс кезінде мүмкіндігінше сақ болуды, жылдамдық режимін, қауіпсіз қашықтықты және маневр жасау ережесін қатаң сақтауды сұрайды.
