НҰР-СҰЛТАН, 14 желтоқсан – Sputnik. Қарағанды облысында жолаушылар автобусы аударылды, деп хабарлады облыстық төтенше жағдайлар департаменті.
Ресми мәліметке сәйкес, жексенбі, 13 желтоқсан күнгі сағат 12.45-те "Алматы - Екатеринбург" тасжолында Гүлшат ауылынан он шақырым шалғай жерде Mercedes маркалы автобус аударылды. Жол апаты кезінде салонда 11 жолаушы және бір жүргізуші болды.
Посмотреть эту публикацию в Instagram
"Алты адам жарақат алды. Олардың бәрін Балқаш ауруханасына жеткізілді. Автобус жолдан шығып, аударылып кеткен. Қазіргі кезде оқиғаның мән-жайы анықталып жатыр", - дейді құтқарушылар.
Айта кетейік, қарашаның соңында Қарағанды облысында дәл осындай жол апаты болды. "Қарағанды – Есенгелді" тас жолында автобус басқа көлікке соғылып, аударылды.
Посмотреть эту публикацию в Instagram
Салонда 40 жолаушы болған. 65 жастағы бір әйелді ауруханаға жеткізілген болатын.
