НҰР-СҰЛТАН, 7 желтоқсан – Sputnik. IBF тұжырымы бойынша әлем чемпионы, қазақстандық боксшы Геннадий Головкин жағажайдағы жаттығуын көрсетті. 18 желтоқсанда жерлесіміз поляк Камил Шереметамен жұдырықтасады.
Matchroom Boxing промоутерлік компаниясы Twitter парақшасында GGG-дің жағажайда қандай жаттығу жасайтынын көрсетті. АҚШ-та жүрген боксшымыз жылдамдық пен төзімділікті шыңдауға арналған жаттығулар кешенін жасап шықты. Атап айтқанда, құммен жүгіру, екі аяқты байлап қойып соққы жасау, қарсыластың соққысын тигізбеу және тағы басқа техникалар бар.
🎯 💪@GGGBoxing putting the work for December 18 as he looks to make it a record-breaking night in Florida! 👑#GGGSzeremeta | Live on @DAZNBoxing pic.twitter.com/NfxazD4klr
— Matchroom Boxing (@MatchroomBoxing) December 6, 2020
"GGG 18 желтоқсанға дайындалып жатыр. Ол Флоридада рекордтық түн жасауды көздейді", - делінген бейнебаянның жазбасында.
Головкин мен Шереметаның жекпе-жегі
18 желтоқсанда Холливуд қаласында (АҚШ, Флорида штаты) Головкин — Шеремета жекпе-жегі өтеді. Бұл туралы DAZN стримингтік сервисі жариялаған болатын. Головкин де өзінің Instagram парақшасында алдағы жекпе-жектің анонсын жасады. GGG орта салмақты IBF мен IBO тұжырымы бойынша чемпиондық белбеулерін рекордық 21-ші рет қорғап көреді.
Бастапқыда Головкин-Шеремет жекпе-жегі 2020 жылдың бірінші тоқсанына жоспарланған болатын. Алайда алдымен Геннадийдің жарақатына, кейіннен COVID-19 пандемиясына байланысты кездесу бірнеше рет кейінге шегерілді.
A night to 𝗺𝗮𝗸𝗲 𝗵𝗶𝘀𝘁𝗼𝗿𝘆 ✍️ #GGGSzeremeta | December 18 on @DAZNBoxing pic.twitter.com/29f9qeQueA
— Matchroom Boxing (@MatchroomBoxing) December 5, 2020
Канелодан ұтылғаннан кейін Головкин бапкерін ауыстырған болатын. Қазір оны Джонатан Бэнкс жаттықтырып жүр. Былтыр GGG Сергея Деревянченконы жеңіп, IBF белбеуін иеленген болатын.
