Қоғам

Ақтауға қайта оралды: дәрігерлер ұшақта жағдайы нашарлаған бала туралы айтты  

© Photo : PexelsЖаңа туған сәби
Жаңа туған сәби - Sputnik Қазақстан
Жазылу
НовостиTelegram
Сәби алты айға да толмаған. Жансақтау шараларына қарамастан, бала хәл үстінде жатыр, жағдайы тұрақсыз

НҰР-СҰЛТАН, 30 қараша – Sputnik. Ұшақ бортында өзін нашар сезінген бала өте ауыр хәлде жатыр. Дәрігерлер сәбиді бірден жасанды тыныс алдырту аппаратына қосты. Бұл туралы Sputnik Қазақстанға Маңғыстау денсаулық сақтау басқармасының баспасөз қызметінен хабарлады.

"Жедел жәрдем бригадасы сәбиді тез арада Маңғыстау облыстық көпбейінді балалар ауруханасына жеткізді. Кезекші реаниматолог қабылдау бөлмесінде пациентті қарап шыққан соң, ол анестезиология және интенсивті терапия бөлімшесіне жатқызылды. Дәрігерлер балаға "өткір екіжақты пневмония, ауыр түрі" деген диагноз қойды", - делінген хабарламада.

Алты айға да толмаған сәби ауруханаға өте ауыр хәлде түскен. Дәрігерлер оны жасанды тыныс алдырту аппаратына қосты.

"Жүргізіліп жатқан реанимациялық шараларға қарамастан бала хәл үстінде жатыр, жағдайы тұрақсыз, денесі құрысып қалады", - деп толықтырды баспасөз қызметінен.

Еске салсақ, Стамбұлға ұшып шыққан жолаушылар ұшағы Ақтау әуежайына қайта оралуға мәжбүр болды. Бортта сәбидің жағдайы нашарлап кеткен.

Жаңалықтар
0