Қоғам

Маман неліктен экраны үлкен телефоннан бас тарту қажеттігін түсіндірді

© Sputnik / Наталья Селиверстова / Медиабанкке өтуСмартфоны iPhone 6s и iPhone 6s Plus, архивное фото
Смартфоны iPhone 6s и iPhone 6s Plus, архивное фото - Sputnik Қазақстан
Жазылу
Ұялы телефон экранының ені 6-8 сантиметр, ал ұзындығы 10-15 сантиметр болғаны оңтайлы, дейді мамандар

АЛМАТЫ, 24 қараша – Sputnik. Үлкен экранды құрылғылар қазір сәннен қалды. Себебі экран көлемінің үлкен болуының тиімсіз тұстары көп, қазіргі кезде өндірушілер де экран көлемін үлкейтуді тоқтатты, деп жазады "Прайм" агенттігі.

Ресей экономика университеті информатика кафедрасының доценті Александр Тимофеевтің айтуынша, экраны үлкен смартфонды қолданудың бірнеше тиімсіз жағы бар.

"Біріншіден, телефонды қолыңызға ұстап, бас бармағыңызды экранға "тигізу" қиын әрі ыңғайсыз. Егер сіз мұндай гаджетті жиі қолдансаңыз, қолыңыздағы бұлшықеттерде проблемалар пайда болуы мүмкін", - деп түсіндірді сарапшы.

Тағы бір тиімсіз тұсы – қолайсыздық. Үлкен экранды смартфонды алдыңғы қалтаға салу қиынға соғады, сондықтан оны артқы қалтаға салып жүру керек. Мұндай жағдайда құрылғыны жоғалту ықтималдығы артады.

Түнде экраны үлкен телефонның жарығы алыстан көрінеді. Бұл қолайсыздықтан бөлек бейтаныс адамдардың назарын аударады. Олардың арасында ниеті жаман адамдар болуы мүмкін.

Сондықтан өндірушілер жаңа құрылғыларды әзірлегенде экран көлемін арттырмайды. Экранның ені – 6-8 сантиметр, ұзындығы 10-15 сантиметр тиімді болып саналады.

Оқи отырыңыз: Ай сайын смартфоннан нені өшіріп тұру қажет - маман кеңесі

 

Жаңалықтар
0