НҰР-СҰЛТАН, 22 қараша – Sputnik. Ресейлік "Спутника V" вакцинасының құны Pfizer/BioNTech және Moderna компаниялары жасаған короновирусқа қарсы вакциналарға қарағанда едәуір төмен болады, деп мәлімдеді әзірлеуші.
"Pfizer-дің бір дозасы 19,5 доллар, ал Moderna-ның бір дозасы 25-37 доллар деп жарияланды, шын мәнінде бір адамға 39 және 50-74 долларға түседі. Адам басына Pfizer, "Спутник V" және Moderna вакциналарының екі дозасы қажет. "Спутник V" бағасы айтарлықтай төмен болады", - деп жазылған әзірлеушінің Twitter-дегі хабарламасында.
Оқи отырыңыз: Тоқаев заңнамаға вакцинаны уақытша тіркеу түсінігін енгізуді тапсырды
"Спутник V" – коронавирус инфекциясының алдын алуға арналған әлемде алғаш тіркелген вакцина. Оны Н. Ф. Гамалея атындағы ұлттық эпидемиология және микробиология зерттеу орталығы Ресейдің тікелей инвестициялар қорымен бірлесіп әзірледі.
