АЛМАТЫ, 11 қараша — Sputnik. Полиция қызметкерлері көлік ұрлануы және апат салдарынан адам қазасына байланысты тергеу бастады. Оқиғаның себебін сарапшылар анықтайды.
Қарабауыр ауылының тұрғыны Volkswagen Golf 3 көлігінің ұрланғаны туралы Бурабай аудандық полиция бөліміне хабарлады, деп жазады kazpravda.kz.
Оның айтуынша, көлік 9 қараша күні түнде ауладан жоғалып кеткен.
Бұл туралы аудандық және облыстық автопатрульдерге хабар берілді.
"Полицейлер 22 жастағы ауыл тұрғынын анықтады. Ол көлікпен Абылайхан ауылы бағытына қарай шыққан. Дорофеевка – Зеленый Бор жолында рөлге ие бола алмай, жыраға түсіп кетті", - деді Ақмола облысы полиция департаментінің баспасөз қызметі.
Жігіт алған жарақат салдарынан оқиға орнында көз жұмды. Жедел жәрдем қызметкерлері оның өлімін растады.
