Қоғам

WhatsApp-та жаңа функция пайда болды

© Sputnik / Наталья Селиверстова / Медиабанкке өтуWhatsApp мессенджері
WhatsApp мессенджері - Sputnik Қазақстан
Жазылу
НовостиTelegram
Хаттарды бір аптадан кейін автоматты түрде өшіретін жаңа функция қолданушыларға бір айдың ішінде қолжетімді болады

НҰР-СҰЛТАН, 6 қараша – Sputnik. WhatsApp мессенджерінде жеті күннен кейін жоғалатын хаттар режимі іске қосылады.

"Біз WhatsApp-тағы чаттар барынша жанды қарым-қатынасқа ұқсағанын қалаймыз. Яғни, кейбір хаттарды мәңгіге сақтаудың еш қажеті жоқ. Осыған байланысты біз мессенджерде "жоғалатын хаттар" режимін іске қосамыз", - делінген компанияның блогында.

Режим қосылып тұрған кезде, чатқа жолданатын жаңа хабарламалар жеті күннен кейін автоматты түрде жойылады. Мессенджерде хат алмасып отырған екі адамның бірі бұл режимді қосып немесе өшіре алады. Ал топтық чаттарда жойылатын хаттар опциясын админ іске қосады.

Компанияның мәліметінше, хаттарды бір аптадан кейін автоматты түрде өшіретін жаңа функция қолданушыларға бір айдың ішінде қолжетімді болады.

Жаңалықтар
0