НҰР-СҰЛТАН, 6 қараша — Sputnik. Қырғызстанда жұма күні жер сілкінді, оның әсерін Шымкент тұрғындары да сезді, деп хабарлады оңтүстік мегаполистің төтенше жағдайлар департаментінің баспасөз қызметі.
Зілзала эпицентрі сағат 13.38-де Алматыдан батысқа қарай 565 шақырым жерде Қырғызстан аумағында болған.
"Жер сілкінісінің энергетикалық класы 12.5, магнитудасы MPV 5.7. Эпицентр координаттары 39.98° с.ш. 71.66° в.д. Тереңдігі 30 километр", - деді төтенше жағдайлар департаменті.
Жерасты дүмпулері Шымкентте де сезілді - 2-3 балл.
Зардап шеккендер мен қираған ғимараттар туралы мәлімет жоқ.
