Қоғам

Әблязовтің сыбайласы Қазақстанға экстрадицияланды

© Sputnik / Тимур БатыршинКісен, архивтегі сурет
Кісен, архивтегі сурет - Sputnik Қазақстан
Жазылу
Асылмұрат Рамазанов Қырғызстан азаматының жалған төлқұжатын пайдаланып, Грузия аумағында жасырынып жүрген

НҰР-СҰЛТАН, 30 қазан – Sputnik. БТА банкінің бұрынғы басшысы Мұхтар Әблязовтің сыбайласы Асылмұрат Рамазанов Грузиядан экстрадицияланды, деп хабарлайды Қазақстан бас прокуратурасының баспасөз қызметі.

"29 қазанда бас прокуратураның, сыбайлас жемқорлыққа қарсы іс-қимыл агенттігінің қызметкерлері Ұлттық қауіпсіздік комитетінің жәрдемдесуімен "БТА банкі" АҚ бұрынғы басқарма мүшесі – басқарушы директоры Асылмұрат Рамазановты Грузиядан экстрадициялады", - делінген хабарламада.

Ол Мұхтар Әблязовтің ұйымдасқан қылмыстық тобының мүшелерімен бірлесіп, БТА банкінің 249 миллиард теңгеден асатын активтерін ұрлағаны үшін іздестірілген болатын.

Бас прокуратураның ақпаратынша, Рамазанов қылмыстық жауаптылықтан жалтару мақсатында Қырғыз Республикасы азаматының жалған төлқұжатын пайдаланып, Грузия аумағында жасырынып жүрген. Алайда Қазақстанның  құқыққорғау органдары шетелдегі әріптестерімен жұмыс жүргізіп, нәтижесінде Грузияның ішкі істер министрлігі оны ұстады.

Тағы оқыңыз: Қамауға алынған Мұхтар Әблязов екі күннен кейін түрмеден шықты

Қазіргі уақытта Рамазанов Алматы қаласында тергеу изоляторына қамалды.

Еске салсақ, 2018 жылы Жамбыл облыстық соты банкир Ержан Тәтішевті өлтіруді ұйымдастырғаны үшін Мұхтар Әблязовты өмір бойына бас бостандығынан айыруға үкім шығарды.

Жаңалықтар
0