Қоғам

Алматы блок бекетіндегі апат: прокурор экс-полицейді 10 жылға соттауды сұрады

© Sputnik / Тимур БатыршинВ Карасайском районном суде проходит заседание по ДТП со смертельным исходом на блокпосте
В Карасайском районном суде проходит заседание по ДТП со смертельным исходом на блокпосте - Sputnik Қазақстан
Жазылу
НовостиTelegram
Прокурор екі полицейдің қазасына кінәлі Азат Азаматовты өмір бойына жүргізуші куәлігінен айырып, он жылға бас бостандығынан айыруды сұрады

АЛМАТЫ, 19 қазан – Sputnik. Алматы қаласындағы блок бекеттегі апатқа қатысты қылмыстық іс бойынша талқылау жалғасып жатыр. Істі Алматы облысының Қарасай аудандық сотында судья Мәди Көшікбаев жүргізуде, деп хабарлайды Sputnik Қазақстан.

Бұрынғы полиция қызметкері Азат Азаматовқа Қылмыстық кодекстің 345-бабы ("көлiкті басқаратын адамдардың жол жүрісі немесе көлiк құралдарын пайдалану қағидаларын бұзуы") бойынша айып тағылып отыр. Прокурор соттан Азаматовты 10 жылға бас бостандығынан айыруды сұрады.

"Оны кінәлі деп танып, он жылға бас бостандығынан айыруды сұраймын. Сондай-ақ, Азаматовты өмір бойы жүргізуші куәлігінен айыру туралы сот шешімі қажет деп санаймын", - деді прокурор.

© Sputnik / Тимур БатыршинБұған дейінгі кезекті отырыста сотталушы өз кінәсін толық мойындады
Алматы блок бекетіндегі апат: прокурор экс-полицейді 10 жылға соттауды сұрады - Sputnik Қазақстан
Бұған дейінгі кезекті отырыста сотталушы өз кінәсін толық мойындады

Бұған дейінгі кезекті отырыста сотталушы өз кінәсін толық мойындаған еді.

"Құрметті сот, мен жасаған ісімнің кінәсін мойындаймын және өкінемін", - деді Азат Азаматов.

Айыпталушы апат болған кезде ұйықтап жатқанын және басқа ештеңе есінде жоқ екенін айтты. 24 мамырда Көксай ауылына кездесуге барғанын, көлікте сыра ішкенін мәлімдеді.

© Sputnik / Тимур БатыршинСот отырысы
Алматы блок бекетіндегі апат: прокурор экс-полицейді 10 жылға соттауды сұрады - Sputnik Қазақстан
Сот отырысы

"Жол полициясында жұмыс істеген үш әріптесіммен бірге іштім. Олар менің бұрынғы әріптестерім. Басқа ештеңе есімде жоқ, ауруханада ояндым. Олар менің апатқа ұшырағынамды айтты. Қалай болғаны есімде жоқ", - деді Азаматов.

Алматы блок бекетіндегі жол апаты

25 мамырда Көксай шағын ауданындағы №4 блок бекетте BMW көлігін тізгіндеген жүргізуші бетон қоршауына соғылған болатын.

BMW патрульдік көлікке қарай ұшып түскен, оның ішінде екі полиция қызметкері отырған.

42 жастағы тәртіп сақшысы Жарас Жанғазиев жедел жәрдем келгенге дейін қайтыс болды. Ал оның әріптесі Дастан Әбдіқанов аса ауыр жағдайда ауруханаға жеткізілді, алайда дәрігерлер оның өміріне араша түсе алмады.

Алматы полициясының тағы бір қызметкері – есірткімен күрес жөніндегі бөлім маманы Ербұлан Сейдазым ауыр жағдайда жансақтау бөліміне жеткізілді.

Жаңалықтар
0