АЛМАТЫ, 12 қазан – Sputnik. Қазақстан президенті Қасым-Жомарт Тоқаев телефон арқылы Эмомали Рахмонмен сөйлесіп, Тәжікстан президенті сайлауындағы жеңісімен құттықтады.
Тәжікстан президенті баспасөз қызметінің хабарлауынша, әңгімелесу барысында Қазақстан басшысы әріптесі Эмомали Рахмонды Тәжікстан президенті болып қайта сайлануымен шын жүректен құттықтап, оған ізгі тілектерін білдірді.
"Президент Қасым-Жомарт Тоқаев ұлт көшбасшысының Тәжікстанның тұрақты әлеуметтік-экономикалық дамуын қамтамасыз етуге және оның халықаралық аренадағы беделін нығайтуға қосқан зор үлесін атап өтті", - делінген Тәжікстан басшысы баспасөз қызметінің ақпаратында.
Сонымен қатар телефон арқылы сөйлесу барысына Орталық Азиядағы екі республиканың басшысы елдер арасындағы стратегиялық әріптестікті нығайту және тереңдету жөніндегі бірлескен қадамдардың одан әрі маңыздылығын атап өтті.
Тоқаев Рахмонды ыңғайлы уақытта Қазақстанға ресми сапармен келуге шақырды.
Оқи отырыңыз: Тоқаев Тәжікстан президентін туған күнімен құттықтады
Айта кетейік, Тәжікстанда президент сайлауы 11 қазанда өтті. Елдің қазіргі президенті Эмомали Рахмон сайлауда тағы да жеңіске жетті. Республикалық орталық сайлау комиссиясының мәліметі бойынша, Рахмонға сайлаушылардың 90,92%-ті дауыс берген.
