Экономика

Қазақстан Қытайға бидай экспортын ұлғайтуы мүмкін

© Sputnik / Илья Наймушин / Медиабанкке өтуУборка урожая зерновых
Уборка урожая зерновых  - Sputnik Қазақстан
Жазылу
Биыл елімізде 18 миллион тонна астық жиналады деп жоспарланып отыр. Орташа түсім - бір гектардан 12,2 центнер

НҰР-СҰЛТАН, 22 қыркүйек – Sputnik. Биыл Қазақстан Қытайға бидай экспортын ұлғайтуы мүмкін. Бұл туралы ауыл шаруашылығы министрі Сапархан Омаров мәлімдеді, деп хабарлайды Sputnik Қазақстан тілшісі.

"Жаңа маусымда қазақстандық бидай мен ұн дәстүрлі түрде Орта Азия елдері мен Ауғанстан нарығына жөнелтіледі. Астық сапасының жоғары болуынан Қытайға бидай (HI-Pro) экспорты артуы мүмкін", - деді Омаров үкімет отырысында.

Астық жөніндегі халықаралық кеңестің есебіне сәйкес, Ресейде, Канадада, Австралияда астық өндірісінің артуына байланысты 2020 жылы өнім көлемі әлемдік рекордтық деңгейде – 2,2 триллион тонна болады деп бағалануда. 2019 жылы 2,1 триллион тонна болған.

Қазір республикада егін жинау жұмысының 93 проценті аяқталды. Барлығы 18 миллион тонна астық жиналады деп жоспарланып отыр. Орташа түсім бір гектардан 12,2 центнерді құрады.

Жаңалықтар
0