НҰР-СҰЛТАН, 14 қыркүйек – Sputnik. "Томирис" кинокартинасы Париждегі L"Etrange Festival 26-шы кинфестивалінде халықаралық толықметражды фильмдер секциясында Гран-при иегері атанды. Бұл туралы режиссер Ақан Сатаев хабарлады.
Посмотреть эту публикацию в Instagram
"Фестиваль серіктестерінің бірі, француз тіліндегі әлемдегі ең ірі ақылы телеарна CANAL+ енді біздің фильмді прайм-таймда көрсетеді", - деп жазды режиссер, "Қазақфильм" киностудиясының президенті Ақан Сатаев.
Посмотреть эту публикацию в Instagram
L"Etrange Festival кинофестивалі Парижде 2-13 қыркүйек аралығында өтті.
Оқи отырыңыз: Режиссер Ақан Сатаев басшылық қызметке тағайындалды
Келіссөздерден кейін мына компаниялар фильмді көрсету құқығын иеленді: Италияда Blue Swan, Францияда SND Films, Испанияда Art Mood, Жапонияда AT Entertainment, Таяу Шығыста Gulf Film, Оңтүстік Кореяда Challan, ТМД елдерінде Paradise/ MGN, Сингапурде Shaw, Румынияда Program 4 Media және Түркияда Siyah Bayez Movies.
АҚШ-та көрсету құқығын Well Go USA компаниясы сатып алды.
Ақан Сатаев түсірген "Томирис" фильмі парсы патшасы Кирге қарсы тұрған сақ патшайымы туралы баяндайды.
