Өңірлер

Үсік жүреді: синоптиктер ертең ауа райы қандай болатынын айтты

© PhotoҮсік, иллюстративті сурет
Үсік, иллюстративті сурет - Sputnik Қазақстан
Жазылу
Қазақстанның бірқатар өңірінде жел күшейіп, жаңбыр жауады. Елдің шығысында үсік жүреді деп болжанып отыр

НҰР-СҰЛТАН, 12 қыркүйек – Sputnik. 13 қыркүйекте республиканың солтүстігінде, солтүстік-батысында және оңтүстігінде атмосфералық ағымдардың өтуіне байланысты найзағай ойнап, жаңбыр жауады, жел күшейеді, деп хабарлайды Sputnik Қазақстан.

Қазақстанның қалған аумағында күн ашық болады деп болжануда. Батыс пен шығыста кей жерлерде тұман түседі.

Алматы, Қызылорда және Қостанай облыстарында найзағай жарқылдап, желдің жылдамдығы секундына 15-20 метрге дейін барады.

Ақтөбе және Ақмола облыстарында кей жерлерде найзағай ойнайды. Түнде және таңертең Батыс Қазақстан, Шығыс Қазақстан облыстарында тұман түседі деп күтілуде.

Сонымен қатар, түнде Шығыс Қазақстан облысында 1-3 градусқа дейін үсік жүреді.

Тағы оқыңыз: Нұр-Сұлтанда жылу беру маусымы қашан басталады

Қызылорда облысының басым бөлігінде, Қарағанды, Түркістан облыстарының кей аудандарында, Атырау облысының оңтүстігінде, Алматы облысының батысында төтенше өрт қаупі сақталады.

Мегаполистердегі ауа райы

Нұр-Сұлтанда 13 қырүйекте күн ашық болады. Желдің жылдамдығы – секундына 3-7 метр. Түнде ауа температурасы +8-9 градус, күндіз 22-24 градус жылы.

Алматыда күн бұлтты, найзағай ойнап, аздап жаңбыр жауады. 2-9 м/с жел соғады. Сынап бағанасы түнде +14-15 градусты, күндіз 21-22 градусты көрсетеді.

Шымкентте ауа райы жауын-шашынсыз. Желдің жылдамдығы – секундына 1-10 метр. Түнде +13-14 градус жылы, ал күндіз 25-28 градус ыстық.

Жаңалықтар
0