Экономика

ЕЭК: одақ аясында сүт өнімін таңбалау өндіріске де, тұтынушыға да көмек болады

© Photo : DevanathМолоко, иллюстративное фото
Молоко, иллюстративное фото - Sputnik Қазақстан
Жазылу
Бақылаудың жаңа түрі тауарларды заңсыз сатудың жолын кеседі, деді Еуразиялық экономикалық комиссия өкілдері

НҰР-СҰЛТАН, 9 қыркүйек - Sputnik. Ресей 2021 жылдың қаңтар айынан бастап сүт өнімдерін таңбалауды енгізуге ниет танытып отыр. Пікірталас тудыратын мәселе Еуразиялық экономикалық комиссия кеңесінің отырысында жан-жақты талқыланады. Бұл туралы ЕЭК алқа төрағасының көмекшісі Ия Малкина айтты.

"Біз Еуразиялық экономикалық одақ аясында тауарларды таңбалау жөніндегі келісім жасалғанын ескеріп отырмыз. Одаққа мүше-елдер өз аумағында бұл жаңашылдықты енгізу датасын өздері белгілейді. Комиссияны ескертуі тиіс", - деді Малкина.

Оның айтуынша, одаққа мүше әрбір елде таңбаланбаған өнімді сатуға тыйым салудың кезеңдері нақты айқындалуы маңызды. Бұл мемлекеттер нарығын таңбалауды енгізуге дайындайды.

"Мұндай бақылаудың оң тұсы - тұтынушылар құқығын қорғау және нарықтағы заңсыз айналымды азайту", - деді Малкина.

Бұған қоса, өнімді таңбалау бәсекеге қабілеттілікті арттырады.

Айта кетсек, қазіргі уақытта Еуразиялық экономикалық одақ құрамына Қазақстан, Армения, Беларусь, Қырғызстан, Ресей енеді. Молдова одақ жанындағы бақылаушы мәртебесіне ие.

Жаңалықтар
0