НҰР-СҰЛТАН, 7 қыркүйек – Sputnik. Өткен тәулікте жеті адам коронавирустан, бір адам пневмониядан көз жұмды, деп хабарлайды Қазақстанның денсаулық сақтау министрлігі.
Бір тәулікте 139 адамда пневмония диагнозы расталса, 60 адам коронавирус жұқтырды.
Жалпы 13 наурыздан 7 қыркүйекке дейін індетке шалдыққан барлығы 106 361 науқас тіркелді. 1 634 пациент қайтыс болды.
1 тамыздан бүгінге дейін 27 762 адам пневмонияға шалдықты, 314 адам көз жұмды.
Тағы оқыңыз: Шымкент қаласы мен төрт облыста коронавирус жұқтырған адам анықталмады
Денсаулық сақтау министрлігінің ақпаратынша, қазір коронавирустан 5 073 адам емделіп жатыр. Олардың арасында 30 бала бар. Стационарларда 2 863 науқас жатыр. 2 210 адам амбулаториялық жағдайда емделуде.
Науқастардың арасында 140 адамның жағдайы ауыр. Соның ішінде 18 пациенттің хәлі мүшкіл деп бағалануда. 24 науқас жасанды тыныс алдырту аппаратына қосылған.
